doebling.naturfreunde.at

Wanderwoche vom 12. bis 19. Juli 2014, Region Schladming / Rohrmoos

Erika Mühlhofer - Teilnehmerin der Gruppe - bringt den Bericht aus ihrer Sicht

           WANDERWOCHE IN ROHRMOOS!

SAMSTAG:

FOST HOIBANEINE IN DA FRUAH, GENGAN VOM  ZUG DE TIRLN ZUA.

NOCH SCHLADMING GEHT DE REISE HEIT, UND ES SAN LAUTA NETTE LEIT.

OLLE WAUNDARA RECHT GUAT DRAUF, NUA DE TRAUDE DE FOIT AUF.

DE WOA NÄMLICH GAUNZ VAZOGT, WEU DE HOT KANN FOHRSCHEIN GHOBT.

DA SCHAFFNA WOA A NETTA MAU, UND HOTS NIMMA KONTROLLIERT.

DABEI HOTS EH DE GAUNZE ZEIT IN KOFFA UMAGSTIERT.

DE ZIMMA DE SAN SCHE UND  REIN, MIA FÜHN UNS RICHTIG WOHL.

UND A DE SAUNA IS A HIT, GENAU WIAS HOIT SEIN SOLL.

AN JEDN HOT DES NOCHTMOI GSCHMECKT, UND NIMAND WOA DES ZWENG.

WAUN MIA AM  SAUMSTOG HAMFOAN DAN, DAUN IS UNS OLLAS ZENG.

SONNTAG:

AM SUNNTOG BEI DA WAUNDARUNG WOAN MIA BEIM WOSSAFOI,

DE STUFN DE WOAN ZIMMLICH HOCH UND FEICHT WOAS IBAROI.

MONTAG:

AM MONTOG BEI DA URSPRUNGOIM UND IGNATZ-MATTIS-HÜTTE.

BERGAUF IS MA DE LUFT WEGBLIBN, DO WOA NIX MEHR IN DA TÜTE.

DE PÖLZLER MARIA MUAß I EICH SOGN, DE HOT JO FOST KA GWICHT ZUM TROGN.

DRUM HOTS BERGAUF  AN SCHNÖLN SCHRITT, UND SCHNÖ GEHT A DES MUNDWERK MIT.

DIENSTAG:

DE FLOTTN DE VÜ CONDI HAUM, DE WOAN HEIT IN DA SÜBAKORKLAUMM.

WOASCHEINDLICH WOA DES NO NET GNUA, DRUM WOANS BEIM LODNWOLKA NO DAZUA.

DE AUNDAN MIT DE WECHN KNIA, DE SAN NOCH SCHLADMING GHATSCHT OIS WIA.

AUF DE PLANAI DAUN MIT DA GONDLBAUHN, DO KAU MA RECHT GUAT OBESCHAUN.

BEIM GIPFEKREIZ HAUMA SCHENE BÜDA GMOCHT, UND JEDA HOT IN DE KAMARA GLOCHT.

UND IN DA HITTN DAUN MUSIK, DES WOA FIA UNS A ECHTES GLICK.

MITTWOCH:

MITTWOCH AUF DA GOLLINGHITTN, SCHENES WETTA UND 600 ECHTE HÖHNMETTA.

DA REHBERGA WALTA WOA A HIT, WEU DER HOT GHOBT AN SUPASCHRITT.

HAM SAMA MITN BUS DAUN GFOAN, UND A DE FRAU MITN FERSNSPORN.

DA SEPP UND SEINE 17 STREBA, DE HAUM A FREID HEIT GHOBT MITN WEDA.

AUFT VOGEIOIM SANS FRISCH UND FROH, UM FÜNFE WOANS SCHO WIEDA DO.

MARIA REHBERGA DE WOA GAUNZ VAZOGT, WEUS SCHMERZN HINT BEIM KREIZ GHOBT HOT.

UND DE GERTRAUD HOTS WAUNDAN EH NET GFREID, DRUM HOTS SAS GLEICH ZUM ORZT BEGLEIT.

DONNERSTAG:

HEIT WOA DES WEDA GOA NET FLAU, AM DACHSTEIN AUFFE OBN WOAS GRAU.

DAUN EINE ZU DE EISSKULPTURN, DURCHT KÖDN IS DUAT RUTSCHAT WUAN.

MITN FÖRDABANDL FOAN WOA SCHE, BOID BRAUCHST JO NIX MEHR SÖBA GEH.

SE FIAN DIE AUFFE OBE A,NUA KORTN KAUFN MUASST ALLA.

DE AUNDAN LEIT AUS UNSRA MITTN, DE WOAN HEIT SUACHN DE FÜNF HITTN.

MIA HOFFN SE HAUM OLLE GFUNDN UND, HAUM IN KÖRPA NET STORK GSCHUNDN.

IN WALTA SAN DE SCHUACH HI WUAN, I GLAUB DER HOT DE SOIN VALURN.

AM OBNT WOA A GRILLAREI, UND A MUSIK WOA A DABEI.

A SPÜ MIT HIAT HAUMS A DAUN GMOCHT, UND OLLE HAUMA HERZLICH GLOCHT.

FREITAG:

HEIT AUFT REITAOIM UND SPIEGLSEE, I SOG EICH ES WOA WUNDASCHE.

ES SAN A VÜLE GAS OM GWESN, DE HAUM UNS GLEICH IS BROT WEGFRESSN.

DE AUNDAN SAN GAUNZ STEU NO RAUF, DE FOIN JO GEAN A BISSL AUF.

BEIM DUISITZKARSEE WOA DE AUNDRE GRUPPN, HOCH OBN DO KAUNNST SCHE OBEGUCKN.

AM LETZTN TOG DO SOIT MA GLAUBEN, SE HAUM SCHO GNUA VON OBESCHAUN.

UND A DE OBND WOAN RECHT FEIN, DE GERDA OILWEU MIT AN WEIN.

DE AUNDAN SAFTLN UND A BIER, ES KAUN JO KANA WOS DAFIR.

WAUN MAUNCHE MENSCHN GOA NIX TRINGA, MA KAUNS JO SCHLIESSLICH A NET ZWINGA.

             FIA OLLE WAUDAFIRA!

I TUAS JETZT NET BEIM NAUMAN NENNA, ES DUATS JO EH A JEDA KENNA.

DE SCHENE WOCHN IS JETZT AUS, ZUM DAUNK KRIAGTS ES AN MUATSAPPLAUS.

DA GERHARDT WOA DA CHEF VON OIN, I MAN DES HOT EAM EH GUAT GFOIN.

EIN GROSSES DICKES DANKESCHÖN, SOI SPEZIÖ AUN DIE

HEIT GEHEN.

A DANKE A AUN DE WIATSLEIT UND PERSONAL,VIELLEICHT GIBT’S NO A NÄCHSTES MAL.

MURGN IS DA URLAUB WIAKLICH AUS, UND OLLE FOA MA GLICKLICH ZHAUS.     

                                                                               E.M.

 

 

Autorin Erika Mühlhofer (rechts im Bild)
Weitere Informationen

Kontakt

ANZEIGE
Angebotssuche