Bericht von Erika Mühlhofer über die WANDERWOCHE vom 25. Sept. bis 1. Okt 2016
1TOG
DA EASTE HOIT IN HEILIGNSTODT VÜ LEIT STEIGN DUATN EIN
DAUN NO A STOP AM SCHWEDNPLOTZ JETZT MIASNS OLLE SEIN
IN BUS VON DA FA.KASTELITZ HAUM MAUNCHE GHOBT AN DOPPESITZ
DO ZOIT HAUM OLLE NUA FIA AN WEU DE DÖBLINGA HOIT GROßZÜGIG SAN
IN LAPOS PAUSE UND KAFFEE 2EURO NUA DES IS KA SCHMÄ
DA ADI DEN WOS JEDA KENNT IS GLEI TUAT IN DE GLOSTIA GRENNT
DAUN HOTA GHOBT A ROTE BIAN NAU HAUPTSOCH GAUNZ WOA NO DES HIAN
2 TOG
HEIT GLE ZFUAß WEG VON HOTÖ
SCHO ZÜGIG OBA A NET SCHNÖ
AM FÖSN OBN DO WOAS RECHT SCHE
DOCH DE HOHE TATRA HOST NET GSEHGN
DE LAUNGSAMAN SO KUMMT MA VUR
DE SAN DEN SÖBN WEG RETOUR
DE ROSI IN DA RUE DE LA GACK
IS DUATN GLEGN WIA FRITZE-LACK
BEIM PÜZ DO TUAT IM BIACHL STEH
ZU DEN KAUNNST LOCKA AUFE GEH
DO ANS DES IS MA JETZTA KLOA
DAS DER SCHREIBA NIE DO DROBN WOA
DE SLOWAKISCHN NAUMAN SAN RECHT SCHWER
DRUM SCHREIB IS AFOCH NIMMA MEHR
I SCHREIB NURMEHR WEGE BERG UND SCHLUCHT
DO OLLAS ZAUM IS ECHT A WUCHT
3 TOG
DA WILLI WOA HEIT NET ERFREUD
ES HAUM SIE GMÖD SO WENIG LEIT
DOCH IN DA SCHLUCHT DRINN WOA EAM KLOA
DAS DES GENAU SO RICHTIG WOA
VÜLE KETTN UND TRITTGITTA
UND A DA AUFSTIEG WOA RECHT BITTA
MI HOTS MITN BUSN AM STA AUFGHAUT
ES HOT NIX GFÖD I HOB EH GLEICH GSCHAUT
VON OBSTIEG WÜL I GOA NET REDN
OBA GFOIN HOTS UNS AN JEDN
DE HANNI HOT A BREZN GRISSN
UND……..HOT SIE AUF DA HAUND WEH DAU
DE AUNDAN HAUM DRAHT A EHRNRUNDN
WEUS DEN EINSTIEG NET HAUM GFUNDN
DER WEG WOA GATSCHIG UND SEHR SCHLECHT
DES WOA ERNA DAUN A NET RECHT
DO AUF DA WIESN SAN SOUSI
HAUN SA SE AM BUGL HI
DE SUNN AM BAUCH GSCHEINT DES WOA SCHE
UND NO ZUM SCHLUß AN EISKAFFEE
4 TOG
DE TROPFSTEINHÖHLE WOA SCHE UND KOIT
A EINE KENNA HAUM MA BOID
ES SAN A FLEDAMEISE GFLOGN
UND MAUNCHE SAN NUA GHENGT WO OBN
A FOHRT MITN BOOT HOTS A NO GEBN
KA ANZIGA IS GSTIEGN DANEBN
IN UNGARN ESSN WOA GUAT DES MUAß MA SOGN
NO BESSA DAS DA VEREIN HOT DE KOSTN TROGN
FIAT STODT BESICHTIGN WOA KA ZEIT
DES HET UNS EH DAUN NIMMA GFREIT
DA WILLI HOT SEIN 70GA GFEIAT
MIA HAUM EAM SPRÜCHE OBAGLEIAD
DA ERICH HOT DREI LIADA GSUNGA
DE HAUM JO A NET SO SCHLECHT KLUNGA
DA WILLI HOT SIE WIAKLICH GFREIT
UND HOT GLEI OLLAS ZOIT FIAT LEIT
5 TOG
VÜLE WOAN MITN WILLI HEIT
WOS EAM GLAUB I EH RECHT GFREIT
41/2 STUND GEH MIT LATTAN
DO FAUNGANT KNIA LEICHT AU ZUM SCHNATTAN
UND OLLA WAUNDARA SAN OHNE BRUMA
WOHLBEHOITN OWE KUMMA
DE AUNDAN AUF AN LEICHTN WEG
DO WOA KA LATTA UND KA STEG
DOCH HAUMS AUFT AUNDAN NET VAGESSN
UND STOTT EANA PIZZA GESSN
DE ZOPFALERIKA WOA A RECHT GUAT
WEUS A MINERAL OHNE WOSSA VALAUNGAN DUAT
6 TOG
HEIT IN DA STODT LEWOTSCHA ODA WATSCHA
AUF JEDN FOI KA ORGA HATSCHA
AM HAUPTPLOTZ DE HEISA WOAN RECHT SCHE
DOCH OLLE ERST GLEICH INS W.C.
DAUN HAUMA A BOR KIRCHN GSEHGN
KAUNNST EH BEI KANA EINE GEHEN
BEI AN LOKAL HAUM MIA UNS TEUT
WEU OLLE HOTS ZUM GEH NET GFREIT
DOCH DE MEISTN SAN MITN WILLI GAUNGA
DO HOTA SIE WOS SCHENS AUGFAUNGA
BEI DA ZIPSA BURG HAUM MIA UNS TROFFN
DO HAUM DE ERSTN SCHO WOS….. TRUNKN
UND DAUN SAN MIA GEMEINSAUM HAM
WEU MAUNCHE HEIT SCHO KOFFA POCKN DAN
ENDOBRECHNUNG
IN GERHARDT UND WILLI WOS SOI MA SOGN
ES ZWA HAUPTS DE VAUNTWORTUNG TROGN
DRUM KRIAGTS JETZT WURST WEIN UND KAS
WEU ES HAUPTS…….EICH WIAKLICH SEHR BEMÜHT
FIAN WOLFGANG FIAN CHAUFEUR
DO GEBN MA A WOS SCHENES HER
DEN SCHMATTES DEN MOCHT DA VAREIN
DO UNS MUAß AN APPLAUS WERT SEIN
I WAS NET OB DES OLLE SCHNOIN
DE TRAUDE DE TUAT OLLAS ZOIN
SIE TEUT UNS DE FINANZN EIN
DAFIR KRIAGTS HEIT A STIFTAL WEIN
UND MUAGN DO FOA MA OLLE HAM
DUAT HI VON WO MA KUMMA SAN.
E.M.
