Teilnehmerin Erika Mühlhofer referiert:
WANDERWOCHE 2018 „MARIA ALM‘‘
1.TAG
AM BAUHNHOF BEI DE MANNASCHNITTN
STENGAN MIA MIT DE KOFFA IN DA MITTN
DA GERHARDT HOT GSOGT WO A JEDA SITZT
UND DAUN IS DA WAGON 24 VORIBABLITZT
MIA OLLE NOCHGRENNT MITN GEBÄCK
GAUNZ SCHNÖ SUNNST IS DA ZUG NO WEG
AUF UNSAN PLOTZ IS ANA GSESSN
DE HAUMA EH GLEICH OBEGSTESSN
DA LOISL MIT DE WAUNDAWADL
GLAUBT DA GERHARDT IS A KINDAMADL
ER MUAß OIS WISSEN SOWIESO
DRUM HOTA GFROGT WO IS DES KLO.
2.TAG
HEIT IN DA FRUAH I SOGS VAMESSN
HOT DE LUCIE IHR HOCHKÖNIGCARD VAGESSN
SIE HOT RECHT GSUACHT WOA SCHO VARUCKT
DAUN HAUMS IHR SCHNÖ A NEICHE DRUCKT
HEIT WOA MA AUF ZWA GIPFEKREIZ BEI WUNDASCHENAN WETTA
NET OLLE HAUM DES AUFFEGSCHOFFT ES WOAN 400 HÖHNMETTA
15 WOAN MITN SEPP AM HUNDSTEIN DROBN
ER HOT GSOGT OLLE WOAN FIT ER KAUNNS NUA LOBN
SE HAUM A MURMELN GSEHGN UND GAS
MAUNCHMOI GEHST LAUNG UND SICHST……..NET SO VÜ
3.TAG
DE WOS AUFT HÖHNMETTA SAN VASESSN
HAUM MIAßN FRIA IS FRÜHSTÜCK ESSN
DE AUNDA TREFFN GMIADLICH NOCH 9
A BISSL A UNTASCHIED DEA MUAß SEIN
BEI DA BÜRGLBAUHN IS DA AUTOMAT STECKN BLIBN
DAFIR HOTS DE NUMMAN EINZLN GSCHRIEBN
MIA HAUM AUF DA ZACHHOFOIM DE AUNDAN TROFFN
UND DAS SAS SIE GFREIT HAUM WOI MA HOFFN
IN HAUNS HOT MA DO NIMMA GSEHGN
WEU DEA WOIT GOA NET OBE GEHEN
A DE GERTRAUD UND DE NELLY HALAMA
SAN FRIA OGRISSN DE ZWA
ZUM SCHLUSS NO DURCH DEANTN MIT DE FLOTTN LEIT
DO KENN MA WIEDA AUGEBN HEIT
4.TAG
HEIT ZU DA ARBESREITAOIM AM WEG LIEGT A KAPPÖN
DE GERTRAUD,NELLY,HAUNS DABEI ES DUAT HEIT KANA FÖN
DA ADI MIT SEIN IMPLANTAT IS A DO MITMASCHIERT
AM SCHLUß HOTA SCHO SCHMERZN GHOBT DES HOT IHM EH RECHT GSCHTIERT
WAUN EA DES SCHOFFT ZOI I AN SCHNOPS UND GMANT HOB I DES ECHT
DAUN HOTA GSOGT DAS EA KANN WÜ DES WOA MA EH NUA RECHT
2.GRUPPE
VOM ATHURHAUS ZUA ERICHHITTN HAUMS 400 HÖHNMETTA IBAWUNDN
UND DE MARIA MIT IHRN GLICK HOT HEIT A SCHWAMMAL GFUNDN
IN ERICH SAN HEIT DE FIAß DURCHGAUNGA UND NET DES PFERD
DAS SEPP HOT EAM DAUN EH GLEICH GSOGT DAS SOWOS SIE NET GHERT
IN SEPP HAUMS A FOTO VON AN PAPRIKA GSCHICKT A WIAKLICH SÖTANE SORTN
I GLAUB DE SORTN HÄTTN OLLE FRAUN GAUNZ GEAN IN ERNAN GORTN
5.TAG
HEIT OLLE MITN ZWEITN BUS IM ERSTN WOAN ZVÜ LEIT
DA WALTA HOT GSOGT DAS DES NIX MOCHT WEU MIA HAUM EH NO ZEIT
DAUN 500 HM AUFN BERG DE SUNN HOT BRENNT OIS WIA
NUA GUAT DAS MA NET OBE SAN SUNNST SCHEWAN DA DE KNIA
GERTRAUS ,NELLY,HAUNS UND ADI SAN AUFFE MIT DA BAUHN
UND OBN HAUMS EIGHAUT KAISASCHMORRN WAUNNST GEHST DAPOCKST DES KAUM
DE ZWEITE GRUPPN WOS DE STREBA SAN WOAN HEIT DE MEHRAN LEIT
NEMAN GEH HAUM DE NO SCHWAMMALN BROCKT DO FRISST DIE ECHT DA NEID
DE MARIA HOT A BLOSN GHOBT UND ZWOA AUF IHRE LIPPN
DE GRETE HOT IHR GLEICH A PFLOSTA GEBN NUA WOAS FIAT FIAß ZUM PICKN
AM OBND IN AN LAIENTHEATA DO HAUMA RECHT VÜ GLOCHT
DE WOAN VON KANA SCHAUSPÜSCHUI DOCH HAUMS DES SUPPA GMOCHT
6.TAG
HEIT WOA SCHO REGN IN DA FRUAH
DRUM HAUMS A OBROCHN DE TOUR
NOCH ZELL AM SEE DAUN MIT DA BAUHN
UND TUATN WOA MA GSCHÄFFTE SCHAUN
A BISSL GAUNGA NEMAN WOSSA
DO WAUNS SO RENGT WIAST IMMA NOSSA
DES MOCHT DA A DAUN GOA KA FREID
DRUMM SAN MA FRIA HAM GFOAN HEIT
VON DA FRIEDNSKAPPÖN BIS ZU DA OIM WOA STÄNDIG LEICHTA REGN
DO BIST DAUN NET NUA AUSSN NOß A INNAN TRIFFTS AN JEDN
AUF DA ARBESREITAOIM WOA MUSIK UND LUSTIG WOAS DAZUA
UND WIA UNSRE LEIT DANN OBE SAN WOA ENDLICH WIEDA RUAH
7.TAG
FIAN HEITIGN TOG DO SCHREIB I NIX
MUAGN FOA MA HAM UND DES IS FIX
DO BEIDE WUADAFIRA HAUM VASPROCHN
NEXTS JOHR GIBT’S A A WAUNDAWOCHN
E.M.
