Erika Mühlhofer berichtet über:
ADIS WANDERTAGE IN PÖLLAU!
1.TAG
AM MONTOG S,WEDA WUNDASCHEN FOAN MIA NOCH PÖLLAU RAUS
I FOA MITN HAUNS MIA SAN ZU FÜNFT DES GEHT SIE GROD NO AUS
WIA MIA IN PÖLLAU EIGFOAN SAN DO WOAN SCHO OLLE DO
A BOR MIASN DE LETZTN SEIN DES IS HOIT AMOI SO
IN ADI SEI BRUADA DEA IS ECHT KA SCHAS
DEA HOT UNS DUACHT STODT GFIAT WEU EA RECHT VÜ WAS
DAUN GAUNZ STOAKA REGN MIA SCHNÖ INS KAFFEE
UND OLLE EINSTIMMIG DE FÜHRUNG WOA SCHE.
2.TOG
HEIT FRÜHSTÜCK WIAKLICH WUNDABOR
DA TISCH IS OHGRAMT WUAN SOGOR
ADI SITZT VISAVIS VON MIA
UND LOBT SEI HEIMATSTODT OIS WIA
UND ERICH A GAUNZ GUAT BEINAUND
KUMMT MITN 8VIRZGAGWAUND
BEIM WAUNDAN TROGTA NIX AM BUGL
DRUM ISA SCHNÖLLA OBN AM MUGL
ADIS SCHUI DE WOA AM BERG DA MARIA IHRE UNTN
UND WIA MA SICHT WOA DES KA PECH SE HAUM SIE TROTZDEM GFUNDN
DA MARIA IHR BRUADA HOT UNS GFIAT DURCH WÖDA UND DURCH WIESN
ER KENNT DIE WEGE OLLE GUAT UND MIA DANS ECHT GENIESN
UND TÄGLICH WIA KENNTS AUNDAS SEIN
DRUCKT DA ADI UNS A GSCHICHTL REIN
3.TOG
IN DA KONTIDOREI UND IM BIOGSCHÄFT
HAUM MIA WOS UMSUNST KRIAGT DES WOA UNS NUA RECHT
IM BIOGSCHÄFT KAUFST SPECK UND RIPPAL
BEIM ZUCKALGSCHÄFT IS EBNAPIPPAL
UND OLLE HAUM SIE KONZENTRIERT
WEU JEDA HOT A HERZ VAZIEHRT
DA ADI STOIZ GRED IN ANATUR
DO HOB I GLERNT OIS JUNGA BUA
JETZT SAN SEINE HOOR SCHO WEIß NET GRAU
UND ER RED IMMA NO DAVAU
BEIM HEIRIGN HOT DA WIRT DE HIRSCHBIRN ERKLÄRT
DES WOA EAM DAUN A STAMPAL WERT
DA BERNHARD HOT A MUSI GMOCHT
DO HOT AN JEDN S,HERZAL GLOCHT
A GEDICHTE GSOGT UND WITZ DAZÖHT
DO HOT JO WIAKLICH GOA NIX GFÖD
DEA AUSFLUG WOA IN ADI SEI IDEE
UND DAUN TUAT EAM DE HÜFTN WEH
DAS EA NET KAUN DES HOT EAM GSTIAT
DRUM HOTA DE VAWAUNDSCHOFT MOBILISIERT
AM SCHLUß ZUM ADI DANKESEHR
VIELLEICHT FOAST WIEDA MIT UNS HER.
E.M.
